პრეპარატის გამოყენების ინსტრუქცია

კარდიომაგნილი

( Cardiomagnyl )

 

სავაჭრო დასახელება : კარდიომაგნილი ( Cardiomagnyl )

საერთაშორისო არაპატენტირებული დასახელება : აცეტილსალიცილის მჟავა და მაგნიუმის ჰიდროქსიდი ( Acetylsalicylic acid and Magnium hydroxide ).

წარმლის ფორმა : შემოგასრული ტაბლეტები ; შემოგარსული ტაბლეტები ფორტე .

 

პრეპარატის შემადგენლობა

შემოგასრული ტაბლეტები :

აცეტილსალიცილის მჟავა – 75 მგ ; მაგნიუმის ჰიდროქსიდი – 15.2 მგ .

შემოგარსული ტაბლეტები ფორტე :

აცეტილსალიცილის მჟავა – 150 მგ ; მაგნიუმის ჰიდროქსიდი – 30.39 მგ .

დამხმარე ნივთიერებები :

მაგნიუმის სტეარატი , კარტოფილის სახამებელი , სიმინდის სახამებელი , მიკროკრისტალური ცელულოზა , მეთილ - ჰიდროქსიპროპილ - ცელულოზა 15, ტალკი , პროპილენგლიკოლი , გასუფთავებული წყალი .

 

აღწერილობა

შემოგასრული ტაბლეტები :

შემოგასრული ტაბლეტები თეთრი ფერის , სტილიზებული “ გულის ” ფორმით .

შემოგარსული ტაბლეტები ფორტე :

შემოგასრული ტაბლეტები თეთრი ფერის , ოვალური ფორმის , ცალმხრივი განივი ნაზოლით .

 

ფარმაკოთერაპიული ჯგუფი

ანთების საწინააღმდეგო არასტეროიდული საშუალება , ანტიაგრეგანტული საშუალება .

 

ფარმაკოლოგიური თვისებები

აცეტილირების რეაქციის გზით აცეტილსალიცილის მჟავა აინჰიბირებს ფერმენტ ციკლოოქსიგენეზას და სელექციურად ამცირებს აგრეგაციული მოქმედების მქონე A2 თრომბოქსანის სინთეზს .

კარდიომაგნილის შემადგენლობაში შემავალი მაგნიუმის ჰიდროქსიდი იცავს კუჭ - ნაწლავის ტრაქტის ლორწოვან გარსს აცეტილსალიცილის მჟავას ზემოქმედებისაგან .  

აცეტილსალიცილის მჟავა ( აცმ ) პრაქტიკულად მთლიანად შეიწოვება კნტ - დან . აცმ - ს ნახევარგამოყოფის პერიოდი დაახლოებით 15 წთ - ს შეადგენს , ვინაიდან აცმ ესტერაზების მონაწილეობით სწრაფად ჰიდროლიზდება სალიცილის მჟავად ( სმ ) ნაწლავში , ღვიძლსა და პლაზმაში . სმ - ს ნახევარგამოყოფის პერიოდი დაახლოებით 3 სთ - ს შეადგენს , მაგრამ იგი შეიძლება მნიშვნელოვნად გაიზარდოს   აცმ - ს დიდი დოზების ერთდროულად შეყვანისას (3.0 გრამზე მეტი ) ფერმენტული სისტემების გაჯერების შედეგად .

აცმ - ს ბიოშეღწევადობა დაახლოებით 70% შეადგენს , მაგრამ ეს ზომა მნიშვნელოვნად მერყეობს , ვინაიდან აცმ ექვემდებარება პრე - სისტემურ ჰიდროლიზს ( კუჭ - ნაწლავის ტრაქტის ლორწოვანი , ღვიძლი ) სმ - ად ესტერაზების ზემოქმედებით . სმ - ს ბიოშეღწევადობა 80-100% შეადგენს .

მაგნიუმის ჰიდროქსიდის გამოყენებადი დოზები აცეტილსალიცილის მჟავას ბიოშეღწევადობაზე არ მოქმედებს .

 

გამოყენების ჩვენებები

იმ დაავადებათა პროფილაქტიკა , რომლებსაც ახლავს თრომბოციტების მაღალი აგრეგაცია : თრომბოზები , ემბოლიები , მიოკარდიუმის ინფარქტი , არასტაბილური სტენოკარდია , შაკიკი , იშემიური ინსულტი , ტვინში სისხლის მიმოქცევის დარღვევა , ოპერაციები ( პოსტოპერაციული პერიოდი ) სისხლძარღვებზე ( აორტოკორონარული შუნტირება , კანიდან ტრანსლუმინალური კორონარული ანგიოპლასტიკა ).

 

უკუჩვენებები

ცოტა ხნის წინ გადატანილი სისხლდენა კუჭ - ნაწლავიდან ; ტვინში სისხლჩაქცევა ; თრომბოციტების დაქვეითებული შემცველობა ან მიდრეკილება სისხლდენის მიმართ ; ჰემოფილია ; ჰემორაგიული დიათეზი ; ჰიპოპროთრომბინემია ; ბრონქული ასთმა ან ალერგია , გამოწვეული აცეტილსალიცილის მჟავათი ან სალიცილატებით ; კნტ - ის ეროზიულ - წყლულოვანი დაზიანებები ( გამწვავების ფაზაში ); თირკმლის უკმარისობა ; ორსულობა (I და III ტრიმესტრები ); ლაქტაციის პერიოდი ; გლუკოზა -6- ფოსფატდეჰიდროგენაზას ერითროციტების დეფიციტი ; ბავშვთა ასაკი .

 

გამოყენების წესი და დოზები

ტაბლეტები ჩაიყლაპება მთლიანად , საჭიროების შემთხვევაში წყლის მიყოლებით . სურვილისამებრ შეიძლება ტაბლეტის შუაზე გატეხვა , დაღეჭვა ან წინასწარ დასრესვა .

დოზები მოზრდილებისათვის შეადგენს პირველ დღეს 150 მგ დღეში , შემდეგ 75 მგ დღეში .

 

სიფრთხილის ზომები

ავადმყოფებში კუჭის წყლულოვანი დაავადებით ანამნეზში პრეპარატი უნდა დაინიშნოს სიფრთხილით , არსებული უკუჩვენებების გათვალისწინებით . ჭარბი დოზის მიღების შემთხვევაში აუცილებელია დაუყოვნებლივ ექიმთან მიმართვა .

 

ურთიერთქმედება სხვა პრეპარატებთან

იშვიათად დიდი დოზებით კარდიომაგნილი აძლიერებს პერორალური ანტიკოაგულანტების მოქმედებას და აინჰიბირებს პრობენეციდის ურიკოზულ მოქმედებას . კარდიომაგნილი აძლიერებს მეთოტრექსატის , ქლორპროპამიდის , ანტიაგრეგანტული და ფიბრინოლიზური საშუალებების მოქმედებას და აინჰიბირებს სპირონოლაქტონის მოქმედებას . ანტაციდები და ქოლესტირამინი ამცირებენ პრეპარატის შეწოვას .

ზემოაღნიშნულ პრეპარატებთან ერთად კარდიომაგნილის გამოყენების აუცილებლობის შემთხვევაში აუცილებელია წინასწარ ექიმთან კონსულტაცია .

გვერდითი მოქმედება

დისკომფორტის შეგრძნება კუჭში .

ნებისმიერი გვერდითი ეფექტის , მ . შ . რომლებიც არ არის აღნიშნული ინსტრუქციაში , განვითარების შემთხვევაში აუცილებელია დაუყოვნებლივ ექიმთან მიმართვა .

 

ჭარბი დოზა და ტოქსიკურობა

საშიშია დოზა : მოზრდილებისათვის – 150 მგ სხ . წ . კგ - ზე .

ჭარბი დოზის სიმპტომებია შუილი ყურებში , სმენადობის დაქვეითება , თავბრუსხვევა , ოფლიანობა , შფოთვა , მუცლის ტკივილი , ღებინება , გულისრევა ( ზოგჯერ სისხლიანი ), გახშირებული სუნთქვა ან სისხლდენის გახანგრძლივება . იშვიათ შემთხვევებში ჭარბი დოზის მიღებისას შეიძლება აღინიშნოს გულის მუშაობის დარღვევები , და ძალიან იშვიათ შემთხვევებში შეიძლება განვითარდეს ფილტვების შეშუპება .

ჭარბი დოზის ნებისმიერი სიმპტომის შემთხვევაში აუცილებელია ექიმთან მიმართვა .

 

განსაკუთრებული მითითებები

კარდიომაგნილის რაიმე ზემოქმედება ავტომობილის ან სხვა მექანიზმების მართვის უნარზე გამოვლენილი არ არის .

 

გამოშვების ფორმა

ტაბლეტები შეფუთულია ცალ მხარეს ალუმინის ფოლგის და მეორე მხარეს პოლივინილქლორიდის ქაღალდის ბლისტერერულ შეფუთვებში #10, რომლებიც მოთავსებულია მუყაოს კოლოფებში #1, 3, 10 გამოყენების ინსტრუქციასთან ერთად ან #30, 100 შუშის ყავისფერ ფლაკონებში , რომლებიც დახუფულია თეთრი ფერის სახრახნი თავსახურით ( პოლიეთილენის ) ჩამონტაჟებული მოსახსნელი გასამყარებელი ხუფით , რომელსაც მიმაგრებული აქვს გასამყარებელი საფენის მოსახსნელი რგოლი , რომელიც უზრუნველყოფს პირველი გახსნის კონტროლს . ეტიკეტის ნაწილი მიმაგრებულია ფლაკონზე სპეციალური წებოვანი ლენტით , რომელიც იძლევა ეტიკეტის აწევის საშუალებას . გამოყენების ინსტრუქცია დასაკეცი ფურცლის სახით მოთავსებულია ეტიკეტის მოძრავი ნაწილის ქვეშ .

 

შენახვის პირობები

ინახება მშრალ , სინათლისაგან დაცულ , ბავშვებისათვის მიუწვდომელ ადგილას 15- 30⁰C ტემპერატურაზე .

 

ვარგისიანობის ვადა

2 წელი . შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება .

 

გაცემის პირობები

რეცეპტის გარეშე .

 

მწარმოებელი

ნიკომედ დანია ა / ს , დანია .

ლანგებერგ 1, დკ -4000 როსკილდე , დანია