ქარ
ქარ
ქარ
ქარ
ქარ
ქარ

დიკლაკი®

პრეპარატის გამოყენების ინსტრუქცია

 

დიკლაკი ®  Diclac ®   
ნაწლავში ხსნადი ტაბლეტები 50 მგ

ინფორმაცია პაციენტებისათვის

პრეპარატის მიღებამდე გაეცანით გამოყენების ინსტრუქციას ! შეინახეთ გამოყენების ინსტრუქცია . შესაძლებელია დაგჭირდეთ მისი გადაკითხვა . ნებისმიერი დამატებითი კითხვით მიმართეთ თქვენს ექიმს .

ეს პრეპარატი განკუთვნილია თქვენთვის და არ გადასცეთ იგი სხვა პირებს . ამან შეიძლება ზიანი მიაყენოს მათ , თუნდაც მათი დაავადების სიმპტომები იყოს თქვენი დაავადების სიმპტომების მსგავსი .

 

სამკურნალო საშუალების შემადგენლობა :

აქტიური ნივთიერება : ნაწლავში ხსნადი 1 ტაბლეტი შეიცავს დიკლოფენაკ ნატრიუმს 50 მგ ;

დამხმარე ნივთიერებები : ლაქტოზის მონოჰიდრატი , კალციუმის ჰიდროფოსფატის დიჰიდრატი , მიკროკრისტალური ცელულოზა , სიმინდის სახამებელი , ნატრიუმის გლიკოლატსახამებელი , მაგნიუმის სტეარატი , სილიციუმის დიოქსიდი კოლოიდური , ეუდრაჟიტი ® L 30 D , ტრიეთილ ციტრატი , სალმანდი , ტიტანის დიოქსიდი (E171 ), რკინის ოქსიდი ყვითელი (E172 ).

 

წამლის ფორმა

ნაწლავში ხსნადი ტაბლეტები .

 

ფარმაკოთერაპიული ჯგუფი .

არასტეროიდული ანთებისსაწინააღმდეგო და რევმატიზმის საწინააღმდეგო საშუალება .

ფარმაკოლოგიური თვისებები . დიკლაკი ® არის არასტეროიდული ანთებისსაწინააღმდეგო საშუალება , რომელიც ავლენს გამოხატულ რევმატიზმის საწინააღმდეგო , სიცხის დამწევ , ანალგეზიურ და ანთების საწინააღმდეგო თვისებებს , რაც განპირობებულია პროსტაგლანდინების ტკივილისა და ანთების მედიატორების - სინთეზის დათრგუნვით .

 

ჩვენება . სახსრებისა და ხერხემლის ანთებითი და დეგენერაციული დაავადებები : რევმატოიდული ართრიტი , მაანკილოზებელი სპონდილიტი ( ბეხტერევის დაავადება ), ოსტეოართროზი , სპონდილოართროზი ; სახსრის ირგვლივი რბილი ქსოვილების რევმატოიდული დაავადებები ; მწვავე პოდაგრა , პოსტტრამვული და პოსტოპერაციული ტკივილი და ანთება ; ტკივილის სინდრომით მიმდინარე არარევმატიული ანთებითი მდგომარეობების სიმპტომური მკურნალობა ( პირველადი დისმენორეა , ადნექსიტი ).

 

უკუჩვენება . დიკლოფენაკ ნატრიუმი არ გამოიყენება აქტიური ნივთიერების ან ნებისმიერი შემავსებლის მიმართ ჰიპერმგრძნობელობის დროს ( ალერგია ); სისხლმბადი სისტემის დარღვევისას ; კუჭისა და ნაწლავების წყლულოვანი დაავადებებისას ; ლაქტაციის პერიოდში და ორსულობის მესამე ტრიმესტრში ; ბავშვებში და 15 წლამდე ასაკის მოზარდებში .

 

სიფრთხილით . დიკლოფენაკის გამოყენება შესაძლებელია მხოლოდ რისკი / სარგებელის თანაფარდობის გაანალიზების შემდეგ : ორსულობის I და II ტრიმესტრში ; განვითარებული პორფირიისას ; სისტემური წითელი მგლურას დროს და შერეული კოლაგენოზებისას ( შემაერთებელი ქსოვილის შერეული დაავადებები ).

განსაკუთრებულ სიფრთხილეს მოითხოვს შემდეგი მდგომარეობები : ჩივილები კუჭ - ნაწლავის ტრაქტის მხრიდან და კუჭისა და ნაწლავების წყლულოვანი დაავადებების ნიშნები , ან ანამნეზში კუჭ - ნაწლავის   ანთებითი პროცესები ( წყლულოვანი კოლიტი , კრონის დაავადება ); მაღალი არტერიული წნევა და / ან გულის უკმარისობა ; თირკმელების დაზიანება ; ღვიძლის ფუნქციის მძიმე დაზიანებები ; ხანგრძლივი ქირურგიული ჩარევების შემდეგ ; ასაკოვანი ან კოაგულაციის დარღვევის მქონე პირები , ცხელება , ფილტვების ქრონიკული ობსტრუქციული დაავადებები ან ცხვირის პოლიპები ; ასევე ჰიპერმგრძნობელობა სხვა არასტეროიდული ანთებისსაწინააღმდეგო საშუალებების მიმართ .

პრეპარატის ხანგრძლივი გამოყენებისას საჭიროა ღვიძლის ,   თირკმელებისა და სისხლის მდგომარეობის მუდმივი კონტროლი . ასაკიან , განსაკუთრებით კი დასუსტებულ და სხეულის დაბალი წონის მქონე პირებში , რეკომენდებული დიკლაკის ® მინიმალური ეფექტური დოზების გამოყენება .

პაციენტებში , რომლებსაც დიკლოფენაკის გამოყენებისას აღენიშნებათ თავბრუსხვევა ან სხვა არასასიამოვნო შეგრძნებები ნერვული სისტემის მხრივ , მათ შორის მხედველობის დარღვევა , არ არის რეკომენდებული ავტოსატრანსპორტო საშუალებების მართვა და მექანიზმებთან მუშაობა .

პრეპარატით მკურნალობის პერიოდში არ არის რეკომენდებული ალკოჰოლის გამოყენება .

 

ზემოქმედება სხვა სამკურნალო საშუალებებთან . თუ თქვენ იყენებთ სხვა სამკურნალო საშუალებას , აუცილებლად შეატყობინეთ ამის შესახებ ექიმს !

დიკლოფენაკმა შეიძლება შეასუსტოს შარდმდენი , ჰიპოტენზიური საშუალებების და   ძირითადად იმ პრეპარატების ეფექტი , რომლებიც თრგუნავენ ანგიოტენზინგარდამქმნელი ფერმენტის აქტივობას . კალიუმის შემანარჩუნებელ შარდმდენ საშუალებებთან ერთდროულმა გამოყენებამ შეიძლება გამოიწვიოს კალიუმის დონის მომატებს სისხლში . მეტოტრექსატის გამოყენებამდე ან გამოყენების შემდეგ ერთი დღე - ღამის განმავლობაში დიკლაკის ® გამოყენებისას შეიძლება გაძლიერდეს მისი ტოქსიკური ეფექტი . პრეპარატმა შეიძლება გააძლიეროს ციკლოსპორინის თირკმლისმიერი ტოქსიკურობა . სისხლში გლუკოზის დონის კონტროლი რეკომენდებულია დიაბეტის საწინააღმდეგო საშუალებებთან თანმხლები თერაპიისას .

 

განსაკუთრებული მითითებები . ერთი ტაბლეტი შეიცავს 0,01- ზე ნაკლებ კარბოჰიდრატის ცვლად ერთეულს .

 

გამოყენების წესი და დოზა . პრეპარატის დოზას და მკურნალობის ხანგრძლივობას განსაზღვრავს მკურნალი ექიმი !

მოზრდილებისათვის და 15 წელზე უფროსი ასაკის მოზარდებისათვის რეკომენდებული დოზა შეადგენს დღეში დიკლაკის ® 50-150 მგ (1-3 ტაბლეტი ), განაწილებული 1-3 ცალკეულ მიღებად .

დიკლაკი ® ტაბლეტების მიღება ხდება კვების შემდეგ , დაუღეჭავად და სითხის საკმარისი რაოდენობის დაყოლებით (1/2-1 ჭიქა წყალი ).

ჭარბი დოზის სიმპტომები : დარღვევები ცენტრალური სისტემის მხრიდან : თავის ტკივილი , თავბრუსხვევა , ძილიანობა და გონების დაბინდვა . ასევე შეიძლება განვითარდეს ტკივილი მუცლის არეში , გულისრევა , ღებინება , სისხლდენა კუჭ - ნაწლავიდან , ღვიძლისა და თირკმელების ფუნქციის დარღვევა .

ასეთ შემთხვევაში აუცილებელია ექიმის კონსულტაცია .

გვერდითი ეფექტები . გვერდითი ეფექტები ვლინდება იშვიათად და სწრაფად გაივლის პრეპარატის გამოყენების შეწყვეტის შემდეგ . კუჭ - ნაწლავიდან სისხლდენის განვითარების საშიშროება ( გასტრიტი , ეროზია , წყლული ) დამოკიდებულია დოზის დიაპაზონზე და გამოყენების ხანგრძლივობაზე .

ყველაზე ხშირად ვითარდება გართულებები კუჭ - ნაწლავის ტრაქტის მხრიდან , ძირითადად ღებინება , გულისრევა , დიარეა და სისხლდენა კუჭ - ნაწლავიდან . ცალკეულ შემთხვევაში შეიძლება განვითარდეს : დისპეფსია , სპაზმები მუცელში , ანორექსია , ასევე წყლულების განვითარება კუჭ - ნაწლავში ; ტაქიკარდია , ტკივილი მკერდის არეში და არტერიული წნევის მატება ; ალერგიული პნევმონია . იშვიათად შეიძლება გამოვლინდეს : პერიფერიული შეშუპება , განსაკუთრებით მაღალი არტერიული წნევის ან თირკმელების ფუნქციის დარღვევების მქონე პირებში ; დარღვევები ცენტრალური ნერვული სისტემის მხრიდან ( თავის ტკივილი , აგზნებადობა , გაღიზიანებადობა , სისუსტე , ძილიანობა ); შრატისმიერი ტრანსამინაზების დონის მომატება ; ჰიპერმგრძნობელობა ( კანის ანთება და ქავილი , ჭინჭრის ციება , ფოტომგრძნობელობა , პურპურა , სახის , ენისა და სასუნთქი გზების შევიწროებით მიმდინარე ხორხის შიგნითა ზედაპირის შეშუპება , სუნთქვის ფუნქციის დარღვევა , და ძირითადად , ასთმოიდული შეტევები , ტაქიკარდია , არტერიული წნევის დაცემა ). იშვიათად შეიძლება გამოვლინდეს : მელენა ან სისხლიანი დიარეა ; პანკრეატიტი ; ასეპტიური მენინგიტის ნიშნები ( კისრის კუნთების დაძაბულობა , ცხელება ან გონების დაბინდვა ); დარღვევები სისხლმბად სისტემაში , რომლის პირველი სიმპტომებია : ცხელება , ყელის ტკივილი , გრიპისმაგვარი მოვლენები , ძლიერი სისუსტე , სისხლდენა ცხვირიდან , კანის სისხლჩაქცევები .

ზემოთ ჩამოთვლილი ან სხვა არასასურველი გვერდითი მოვლენის განვითარებისას შეწყვიტეთ პრეპარატის გამოყენება და დაუყოვნებლივ მიმართეთ ექიმს !

 

ვარგისიანობის ვადა . პრეპრატის ვარგისიანობის ვადა არის 5 წელი . პრეპარატი არ გამოიყენება შეფუთვაზე მითითებული ვარგისიანობის ვადის გასვლის შემდეგ .

 

შენახვის პირობები . პრეპარატი ინახება ბავშვებისათვის მიუწვდომელ ადგილას , ოთახის ტემპერატურის პირობებში , არაუმეტეს 25C.

 

შეფუთვა . ბლისტერში არის 10 ტაბლეტი ; 2 (2X10) ბლისტერი მუყაოს კოლოფში .

 

აფთიაქიდან გაცემის წესი . II ჯგუფი ( გაცემის რეჟიმი : რეცეპტით )

 

მწარმოებელის სახელწოდება და მისამართი .

,, სალუტას ფარმა გმბჰ ’’ გერმანია , კომპანია ,, გეკსალ აგ ’’ საწარმო , გერმანია .

Salutas Pharma GmbH, Otto-von-Guericke-Allee 1,

D-39179 Barleben. Germany

 




© 2011 ყველა უფლება დაცულია www.formulary.ge